VFF i proposem kojing kos blong together kids program long Vanuatu

Publié le par Aristide meltecoin

VFF bae i ranem ol kojing kos blong Together Kids program stat long Mondei nekis wik namba 18 Okis. 2 instrakta blong VFF  bae tufala i statem kos ia long Teouma football Accademy mo askem ol sport titja blong praemeri skul blong Saot Efate blong kohed long kojing kos ia we bae i stap long 6 dei. 2 instrakta blong VFF bae i lukluk blong ranem ol kos ia long evri Provins  blong Vanuatu. Afta long Teouma, kos bae i stap long Manua Skul stat long namba 25 Okis kasem 30 Okis. Long ples ia, evri sport titja blong Not Efate bae oli kam tuketa long Manua Skul blong tekem pat long kos ia. Ol titja blong Pentecost bae oli kam tuketa long Lonorore long stat long namba 8 kasem 12 Septemba. Santo bae i hostem kos ia long wik blong 15 kasem 20 Septemba mo ol sport titja oli mas mekem effot blong kam tuketa long Luganville blong kohed wetem kos ia. Malekula bae i hostem kos ia long namba 22 kasem 27 Septemba long Norsup. Long aelan blong Epi, ol sport titja i mas kam tuketa long namba 30 septemba kasem namba 4 Oktoba long Laman Bay.
Kos ia bae i kavremap evri aelan blong Vanuatu mo hemi eim blong allawem ol sport titja oli save gud wok blong olketa mo ol besik tingting blong kojem ol pikinini.

OL sport titja blong Torba Provins bae oli kam tuketa long Vanua Lava long namba 8 kasem 12 septemba from semak pepos. Taem blong Tanna i  foldaon long namba 15 kasem 20 septemba stret long Lenakel. Ambae bae i lukim kos i kohed long Longana long namba 22 kasem 27 septemba. Evri aelan bae i kat akses long kojing kos ia mo VFF i luk fowod blong Together kids program i save statem football fondesen blong ol pikinini.

Publié dans Youth programme

Commenter cet article